Jilbob Solihot dan Sumbang Pakai

“Apaakkk, Saiful!“  seseorang menyapa saya saat minum es rumput laut di Labuah Baru Payakumbuh.

 

“Mungkin Pak Saiful lupa sama Yuli, murid Apak di waktu SMP. Dulu Bapak Saiful mengajarkan Budaya Alam Minangkabau (BAM), Biologi dan Keterampilan Pertanian kepada kami,“ ujar Yuliati, namanya.

“Duduklah di sini duli. Saya tidak lupa, tetapi hiba hati dan malu melihat Yuliati  seperti ini. Jika di tengah pasar tadi sudah dipastikan banyak orang melihat kamu,“ jawab saya.

“Bagaimana pula ceritanya dan apa sebabnya hati Pak Saiful hiba melihat saya?“ tanya Yuliati.

“Nah, itu ada lamang panggang. Kalau kamu ingin memakannya  yang mana yang akan kamu pilih,  yang sudah terbukak atau masih dibungkus rapi dengan daun pisang?” tanya saya.

"Tentu saja yang masih utuh dibungkus dengan daun pisang. Yang sudah dibukak daunnya tentu sudah tidak bersih lagi, atau sudah dijamah tangan orang lain,“ jawab Yuliati.

“Kan lai tau tuuu. Begitulah tentang dirimu sebagai perempuan Minang yang telah dewasa dan beragama Islam. Seharusnya mengikuti apa yang Allah perintahkan untukmu dan apa yang dianjurkan oleh adat Minang,” ujar saya.

“Maksudnya apa? Dan apa yang salah pada saya, Pak?” tanya Yuliati.

“Kamu pernah ingat apa yang pernah saya ajarkan tentang sumbang duo baleh bagi seorang perempuan?“ tanya saya.

“Lupa-lupa ingat, Pak Saiful," ujar Yuliati.

"Kalau lupa, tugas saya kembali mengingatkan. Bahwa saya tadi malu, berhiba hati dan bercampur sedih melihat cara kamu berpakaian begini dengan berjilbab, pakai baju kaus ketat bercelana jeans. Dalam adat Minang disebutkan Sumbang Pakai. Di mana perempuan yang memakai baju ketat, terlihat rahasia  tubuh, di mana bukit yang  tidak barangin di mana lurah yang tidak berair , di mana taluak tanjuang baliku jadi tontonan laki-laki itu yang membuat hati saya sedih dan malu. Allah menginginkan seorang wanita menutupi auratnya agar menjadi muslimah yang membedakan kamu dari yang lain dan terjaga dari lelaki yang ada niat mengganggu," tutur saya.

"Tapi, Pak. Yuli kan ada memakai jilbab sebagai tutup kepala dan hanya yang terlihat wajah dan telapak tangan saya."

“Gahaha, itu bukan hijab tapi jilbob solihot, hanya menutup kepala. Sementara lekuk tubuhmu yang hot kamu perlihatkan secara utuh. Artinya pakaianmu hanya sebagai penutup kulit bukan penutup auratmu dan yang dianjurkan untuk perempuan muslimah adalah memakai hijab, dan kamu  belum memakai hijab.

Dalam agama Islam, setiap perempuan muslim yang sudah memasuki usia baligh wajib hukumnya untuk menutup aurat sesuai dengan syariat agama. Hal inilah yang membuat di masyarakat muncul istilah hijab dan jilbab sebagai bagian dari pakaian muslimah yang dianjurkan dalam agama. Sayangnya, masih belum banyak orang mengetahui perbedaan hijab dan jilbab.

Menurut pandangan umum, hijab merupakan pakaian khusus untuk perempuan muslimah yang menutup aurat. Sedangkan jilbab adalah nama lain dari kerudung yang merupakan kain untuk menutup kepala wanita. Jadi, tidak hanya perempuan muslimah saja yang boleh menggunakannya, namun juga perempuan pada umumnya,” terang saya.

"Pak, yang penting di zaman sekarang kan hatinya baik."

"Berhati baik perintah Allah, berjilbab juga kewajiban muslimah. Dua-duanya harus dilakukan secara bersamaan."

"Tapi, Pak, ada yang berjilbab tapi hatinya kurang baik."

"Coba kalau dia belum berjilbab pasti lebih buruk akhlaknya."

"Ada juga yang tidak berjilbab tapi baik."

"Coba dia berjilbab pasti jadi semakin baik akhlaknya, tapi kamu lebih memilih berjilbab dengan hati yang baik kan?"

"Hehehe..Pak Saiful bisa aja.."

"Jadi kamu mau berjilbab sekarang?"

"hehehe saya akan siap mengubahnya, Pak  Saiful.“

“Seperti yang saya sampaikan tadi, salah satu di antaranya adalah setiap perempuan Minangkabau haruslah menjauhi hal-hal yang sumbang, jangga, atau cando. Yang dimaksud dengan sumbang adalah segala sesuatu yang tidak pada tempatnya. Ketidakpadatempatannya ini dapat dalam bentuk perbuatan, perkataan, atau pemikiran. 

Kembali saya sampaikan baik-baik Sumbang Duo Baleh, simak elok-elok dangakan malah tanang-tanang supayo ingek pelajaran lamo dan sebagai pitaruah buat anak perempuan:

Babaju jan sampik-sampik saroman iko kini, nampak rasio tubuah, dima bukik dima lurahnyo, dima taluak tanjuang baliku jadi tontonan laki-laki. Usah pulo talampau jarang, nan tipih nan tabuak pandang, konon tasimbah ateh bawah. Satantang mode jo potongan, sasuaikanlah jo bantuak badan, sarasikan jo ragi kain, buliah sajuak pandangan mato. Katampek urang kamatian pakai nan polos warno galok, usah mamakai baju pontong nan ponggeang nampak katiak, usah pulo babukak tenda mamakai gencu taba-taba, kurang etis baso kininyo.

Duduak sopan bagi padusi iyolah basimpuah, bukan baselo cando laki-laki, nan paliang tacacek bana kalau mancangkuang jo mancongkong sabalah lutuik batagakkan bak gaek duduak di lapau. Kok duduak di bangku di kurisi, rapekkan paho arek-arek, manyampiang agak salayang, nyampang mamakai rok singkek, usahlah kaki ditindiahkan, nak jan tasimbah nampak sajo. Baitupun duduak di honda, dibonceang atau mambonceang, ijan mangangkang abih-abih, manjajok dipandang urang. Itu sumbang duduak.

Usah panagak tantang pintu atau di janjang turun naiak, usah panagak tapi labuah kalau tak ado nan dinanti, sumbang tagak jo laki-laki, apolai bukan jo muhrim, konon pulo ba rundiang-rundiang galak mangekeh-ngekeh.

Bajalan musti ba kawan, paliang kurang jo paja ketek, kalau padusi bajalan surang, saibarat alang-alang lapeh, jatuah merek turun harago, randah pandangan laki-laki. Usah bajalan ba gageh-gageh, malasau mandongkak-dongkak, co ayam gadih ka batalua, tapi bajalanlah siganjua lalai, pado tampuah suruik nan labiah, alu tataruang patah tigo, samuik tapijak indak mati, aratinyo lamah lambuik, gemulai tapi tegas. Kok bajalan ba samo gadang, jan babanja ma ampang labuah, agak’i urang di bulakang. Kok bajalan jo urang tuo atau jo urang laki-laki, awak ma iriang di bulakang, baitulah adat ka dipakai.

Bakatolah jo lunak lambuik, duduak kan etongan ciek-ciek, nak paham urang mukasuiknyo, sumbang bana dek padusi barundiang co murai batu, bak aia sarasah tajun rumik lah urang mamiliahi, kalau rang tuo sadang mangecek, pantang mamotong bicaronyo, nantikan dulu sudah-sudah, baru dijawab patuik dijawab, didakek urang sadang makan usah mangecek nan kumuah-kumuah, pai manjanguak urang sakik usah carito urang mati, kurang baiak kurang tapuji manunggu utang di nan rami, baitu ajaran sopan santun.

Kurang taratik rang padusi kok pamana pancaliak jauah, pamadok arah ka bulakang, pamatuik-matuik diri surang, sumbang. Nyampang awak pai ba tandang, pajinak saketek incek mato tu jan manjala sapanuah ruang, sabantuak urang manyalidiak, kok awak manjadi tuan rumah, usah pancaliak ka jam tangan, tasingguang urang sadang duduak, itu ma usia caro aluih, mangecek jo laki-laki, bia dunsanak atau famili usah pamadok tanang-tanang, manantang bola matonyo, indak buliah… tapi buanglah pandang ka nan lain, manakua caliak ka bawah.

Sumbang makan sambia badiri kunyah kenyoh sapanjang jalan, manguyah tutuikkan muluik, jan tadanga capak dek urang, sabab nan makan mancapak-capak, bangso si lupak jo si samuik, kuranglah sopan jo taratik. Kalau maota sambia makan caro si bule dalam pilem. Kok awak makan jo tangan, angkek nasi jo ujuang tangan, suok nan usah gadang-gadang. Manambuahkan nasi agak-agak, bia acok asakan saketek, jan sampai piriang balanjuang. Biasokan mancuci tangan, manuangkan aia dalam piriang, jo kida manjambo galeh, minum sataguak taguak ketek, tahan sandao jan nyo lapeh. Nyampang awak makan basendok, jan balago sendok jo garpu, badariang kanai di gigi. Dima salasai makan beko, tungkuikkan sendok jo garapu, kalau lataknyo tatilantang tandonyo makan alun kanyang ataupun kurang samalero, tasingguang urang punyo alek. 

Kakok karajo rang padusi sabateh nan ringan-ringan, nan mudah-mudah, nan aluih-aluih, manjaik jo manarawang, kadapua masak mamasak manyusun paraboik rumah, kok ka sawah batanam jo basiang, manyabik atau ma angin, tapi jan mabajak jo mairiak. Baitupun karajo parak, sakadar marambah manyisiak-nyisiak, mangulik manabang pisang, jangga bana dek rang padusi kalau mamanjek bagayuik-gayuik manabang mangabuang kayu. 

Baitupun mamiliah profesi, nan paliang cocok jadi guru, bidan elok salonpun buliah, jadi perawat rancak juo, di kasir bidangnyo bana, tapi paralu ekstra hati-hati , buliah manyupir tapi usah manjadi supir.

Ado papatah mangatokan, barundiang sasudah makan, batanyo salapeh arak, aratinyo kok urang tibo batandang sambuiklah baramah tamah, jo hormat silahkan duduak, sasudah itu latakkan aia suruah minum. Salasai minum agak sataguak, raso lah cukuik istirahat, baru tanyokan mukasuiknyo, apo sangajo kadatangan, caro tata krama moderennyo “apa yang bisa saya bantu”. Mako.. kasa lah bana budi awak, alun ta acah ikuanyo duduak, sambia tagak lalu batanyo, a tujuan datang kamari. Indak buliah baitu.. indak buliah.. Buruak angkuah namonyo awak. 

Salain nan dari pado itu, kok tamu awak sadang makan, sumbanglah bana manayokan “bara harago bareh kini” indak buliah tu, itu pantangan urang Minangkabau tu. Ciek lai, kalau bajalan dalam hutan, usah batanyo isi rimbo, ula harimau jo biruang, indak buliah, kok masuak ka kampuang banyak upeh, pantang batanyo ka urang lapau, lai mamak manjua sabuak, atau mamintak tambah gulo stek mak, bisa mati gadih dibueknyo, indak buliah co itu.

Kalau ado urang batanyo, elok-elok mambari jawab, jan sampai urang tasingguang, umpamo adolah urang ka babalanjo batanyo ka tukang kain, tukang kain ko anak gadih ko, a katonyo “bisa tigo ribu sameter, Piak?” Dijawab dek urang kadai, “Ampek ribu awak tarimo pak, baok kamari bara ado. "

Tibo pulo tanyo nan lain “luntur ndak, Diak?” Sambia malengah nyo manjawab, “Pai batanyo ka pabrik pak, kami nan tau manjua an ko’, itu jawab sengkang namonyo tu, buruk muncuang dilayan urang, cilako gadih mudo matah, jauah jodoh tinggi rasaki, alamaik sansaro iduik awak, indak buliah.

Indak buliah bagaua jo laki-laki kalau awak sajo padusi surang mancampua bakeh nan banyak, sumbang bagaua samo gadang kalau bakumpua-kumpua lalok batandang ka rumah urang kecuali ado keperluan, dek awak tu anak gadih, sumbang bagaua jo paja ketek, sato manyuruak ba kuciang-kuciang basimbang main kalereang balari bakaja-kaja, atau awak masih pacaran bagaua lah sarupo laki bini, ilia mudiak indak lakek lakang, sarupo jawi jo lapiak buruak, sumbang tu.

Adopun nan dimukasuik jo kurenah, iyolah galagat pambaoan, sipaik tabiat jo parangai karakter kecek rang kini sikap mental caro moderen. Kurang etis kurang lah patuik kalau babisiak baduo-duo sadangkan awak sadang batigo. Kurang lamak kurang lah elok malucu mambuek garah maa ota bakarikik an dalam manjanguak batakziah. Indak buliah galak mancaliak urang jatuah, indak buliah manutuik iduang di tangah urang rami, atau kuok mangango laweh-laweh. Tamasuak juo sumbang kurenah, mangakok jo tangan kida, saumpamo manjambo jo manampuang, manunjuak manyetop oto, malambai-lambai dari jauah, kecuali manjambo galeh sadang makan. Indak pandai manenggang raso sumbang juo tu namonyo, mako dari itu, kok awak mambali durian, kuliknyo usah dikaka nak, jan serakkan bijo di laman, pikia kan urang di subalah, luko kaki lukolah iduang luko di batin nan manyeso, badantiang tali silaturrahim."

Saiful Guci, Pulutan 1 Juli 2024